Iruzurgilearen Showa (euskaraz, ez mistoa)

Bakarrizketa komiko honetan, bere bandarekin batera jo behar zuen musikaria bakarrik iristen da agertokira. Barre eta gogoeta artean, protagonistak artista gisa duen esperientzian murgilduko gaitu, ikuskizunen munduan bereziki emakumeei eragiten dien lan-prekarietateari aurre eginez. Bere buruargitasunaren bidez, zalantzan jartzen du herri-festetako zereginen banaketa desorekatua, eta kritika zorrotza egiten die genero-rol bidegabeak betikotzen dituzten eredu tradizionalei.

Begirada feministarekin eta umorez beteta, jaiaren kontzeptua birplanteatzeko gonbidapena da lana, eredu inklusiboago, berdintasunezkoago eta kontzienteago baten alde eginez. Bakarrizketan, protagonistak agertokian duen lekua aldarrikatzeaz gain, emakumeek kulturan eta gizartean duten tokiari buruzko galdera sakonak ere egiten ditu.